حلويات العيد

موضوع: حلويات العيد الخميس أغسطس 15, 2013 7:18 pm

السلام عليكم المقادير:
العجينة:
3كيلات فرينة
كيلة الا ربع زبدة التوريق ذايبة وباردة
ملعقة صغيرة فاني
ماء+ماء الزهر لجمع العجينة
ملون ابيض+ملون بني
الحشو:
3كيلات لوز مرحي رقيق
كيلة ناقصة شوية سكر احرش
م ك قشور ليمون
ملعقة صغيرة فاني
بيض
ملون بني
نحتاج ايضا الى
كمية من اللوز مرحي خشن
بياض بيض
حبات بندق
ناباج
للتعسيل :نحتاج الى
كيلة عسل+كيلة شربات
الطريقة:
اولا نحضر العجينة
في وعاء نحط الفرينة والفاني وزبدة التوريق ذايبة وباردة نحرك بالاصابع جيدا نقسم العجينة الى قسمين جزء نضيفلو م ص من الملون الابيض نتاع الميزان في شوية ماء الزهر ونلم العجينة بالماء وماء الزهر لازم تكون العجينة متماسكة
ام القسم الثاني نضيفلو ملون بني مذوب في شوية ماء الزهر ونلم العجينة بالماء وماء الزهر نغطي العجينة ونخليها ترتاح
ثانيا نحضر الحشو نخلط اللوز+السكر+زاست ليمون+فاني+ملون بني مذوب في القليل من ماء الزهر ونضيف البيض تدريجيا حتى نتحصل على عجينة متماسكة وهذي نقطة مهمة
نحتاج ايضا الى هذا القطاعات لتشكيل الحلوى
[ندعوك للتسجيل في المنتدى أو التعريف بنفسك لمعاينة هذا الرابط]
ناخذ الحشو ونشكل كويرات بحجم 23غ حتى نكمل الحشو
[ندعوك للتسجيل في المنتدى أو التعريف بنفسك لمعاينة هذا الرابط]
من جهة نرش طاولة العمل بالمايزينا ونبسط العجينة بالحلال ونرققها في الماشية حتى الرقم ماقبل الاخير
بواسطة قطاعة نقطع دوائر

[ندعوك للتسجيل في المنتدى أو التعريف بنفسك لمعاينة هذا الرابط]

ناخدكويرات الحشو نحطهم في بياض البيض ثم في اللوز المرحي خشن ندهن الدوائر لي قطعنا ببياض البيض ونحط كويرات اللوز

[ندعوك للتسجيل في المنتدى أو التعريف بنفسك لمعاينة هذا الرابط]
نبسط العجينة البنية ونفوتها في الماشينة كيما عملنا مع العجينة البيضاء وبواسطة القطاعات نشكل وريدات 2بني وواحدة بيضاء
[ندعوك للتسجيل في المنتدى أو التعريف بنفسك لمعاينة هذا الرابط]
نحط الوريدات فوق كويرات اللوز من الاكبر الى الاصغر وندهن بينهم ببياض البيض في كل مرة
ناخذ حبة بندق ونزين في وسط الوريدات
[ندعوك للتسجيل في المنتدى أو التعريف بنفسك لمعاينة هذا الرابط]
وهكذا حتى نكمل الحلوى وماننساش نحط ورق الطبخ للبلاطو قبل مانحط فوقه الحلوى
[ندعوك للتسجيل في المنتدى أو التعريف بنفسك لمعاينة هذا الرابط]
نغطي الحلوى ونخليها ترتاح على الاقل 4 ساعات من بعد نطهيها في فرن على نار هادئة من فوق ومن تحت مع مراقبة الطهي لازم يبقى لونها ابيض
التعسيل:
نحضر شاربات نحط كيلة سكر+كيلة ونصف ماء على النار لمدة 15د
بعدها نخلط كيلة شربات مع كيلة عسل ونعسل الحلوى

[ندعوك للتسجيل في المنتدى أو التعريف بنفسك لمعاينة هذا الرابط]
نحطها تقطر وندهنها بالناباج ونحطها في لي كيسات ونقدمها وهذا شكلها النهائي

[ندعوك للتسجيل في المنتدى أو التعريف بنفسك لمعاينة هذا الرابط]
نتمنى تعجبكم الحلوى ولاتنسوني غالياتي من صالح الدعاء ولكن بالمثل

السلام عليكم ه عجبوني حلويات العيد يميممي

موضوع: رد: حلويات العيد السبت أغسطس 17, 2013 1:20 am

[ندعوك للتسجيل في المنتدى أو التعريف بنفسك لمعاينة هذه الصورة]
شكرا لكي يا دودو وشكرا لصاحبة الموضوع ام اماني

» حلويات عيد الأضحى المبارك
» حلويات بمناسبة عيد الأضحى المبارك 1
» حلويات بمناسبة عيد الأضحى المبارك 2
» كتاب حورية المطبخ للحلويات بالصور -كتاب يحتوي على اشهر 32 وصفة حلويات
» العيد وسننه